MILIO URETA

Pexe les manes

[D’ONDE LES XAGORRES]

Soi d’ehí.

 

Onde la cola’l milán grande

ah.uraca les muries de los h.enares

pa da-yos nome.

Onde les h.osories

baxen de la tierra

al agua

de ría

fuxíu

pa escabazar nes moraes de les xagorres.

Soi d’onde la ponte los vencedores é puente en h.ondu de los vencíos

y amesta nes dos orielles

un enfadu soterraniu

sosteníu

y anterior al home.

Onde’l país se resume y contrai

netu que l’arume de los perh.umes caros

los malpenes calteníos en botellinos d’un gotu

y en tester roinos.

Soi d’esi concentráu

onde busco

masque dengún nun va buscame.

Paye de naide.

***

[URRIELES]

 Esos Urrieles cautivos del agua y la ñeve

y el poliespán

esos

risques metíos

dientru una bola

de vidriu plásticu

Dende esta oriella de mar que xuega y nun xuega comigo

soi yo la mano que los esmena.

 

***

[LOS MUERTOS • ATIENDI AMOR]

Como aventaes y ensin gobiernu

del aire les gaviotes

como de la roca les pertenaces

llámpares

y l’arcín quedu

asina son

de la mar

los muertos.

 

Pero atiendi una cosa amor

Nun me dexes na marea dormecida.

Espera l’iviernu puru y el vuelu’l cuervu marín

cuando la fame d’oriella seya’l solu xeitu l’agua

y arrample

colo que nun tien arreglu

la corriente

y allampien

polo que perdiere llacre

les foles.

Aguarda la ira la mar y el llimu

onde’l bramadoriu

Mira na piedra caliar si anda roceana o ta tora

Escuca si l’Atlante esflora

les muries del Aguamía

si ta rucando so boca

piedra sueltu n’arenal

Y arrea p’allá

si é que sí.

Allega a la punta’l cantil

y asina atopes la poza dedicada a los distantes

d’ente los homes

y l’abandonu

ellí nun ti duelga soltame

Algama la punta’l pedral

y allá onde sientas más broncu

 l’estrueldu l’aliendu’l Bentos

ellí nun duldes posame

Qu’é qu’ellí quiero quedar.

Como les pertenaces llámpares

Como l’arcín

Y atiendi una cosa amor

Nun me dexes onde me caricie l’agua.

Atiendi

atiendi amor

Nun me dexes

Onde me caricie naide.

***

[PUERTU CON PUERTU]

Si un puertu é dafechu una puerta

¿Qué é la mar?

La mar

coles cases nes orielles

una quintana. La mar sola

una antoxana

namái

ente mio casa y la tuya.

—Y tu’l vecín

puertu con puertu

pal qu’apartar la ñata.

Y yo’l vecín

puertu con puertu

al qu’apurri-y del sal.

---

Peces las manos

[DE DONDE LAS LOMBRICES]

Soy de ahí

Donde la cola del milano grande

agujerea los muros de los henares

para darles nombre.

Donde las azadas

bajan

al agua

de ría

huida

para excavar las moradas de las lombrices.

Soy de donde el puente de los vencedores es puente en fondo

de los vencidos

y mezcla en las dos orillas

un enfado sostenido

y anterior al hombre.

Donde el país se resume y contrae

igual que el aroma de los perfumes caros

los apenas contenidos en frasquitos de una gota

y ridículos tester.

Soy de ese concentrado

donde busco

pero ninguno me buscará

Padre de nadie.

***

[URRIELES]

Esos Urrieles cautivos del agua y la nieve

y el poliespán

esos

riscos metidos

dentro de una bola

de vidrio plástico

Desde esta orilla de mar que juega y no juega conmigo

soy yo la mano que los sacude.

***

[LOS MUERTOS • ESCUCHA AMOR]

Como aventadas y sin gobierno

del aire las gaviotas

como de la roca las pertinaces

lapas

y el erizo quedo

así son

de la mar

los muertos.

Pero escucha una cosa amor

No me dejes en la mar adormecida.

Espera el invierno puro y el vuelo del cormorán

cuando el hambre de orilla sea el solo querer del agua

y arrase

con lo que no tiene arreglo

la corriente

y ardan

por lo que perdiera lacre

las olas.

Aguarda la ira del mar

y el limo

donde los bufones

Mira en la piedra caliar si recela o anda en celo

indaga si Atlante desflora

los muros del Aguamía

si está mascando su boca

piedra suelta de arenal.

Y corre hacía allá

Si es que sí

Llega a la punta del acantilado

y así encuentres el pozo dedicado a los distantes

de entre los hombres

y el abadono

allí no te duela soltarme

Alcanza la punta del pedregal

y allá donde sientas más bronco

el aliento estruendoso del Bentos

allí no dudes posarme

Que es que allí quiero quedar.

Como las pertinaces lapas

Como el erizo

Y escucha una cosa amor

No me dejes donde me acaricie el agua.

Escucha

escucha amor

No me dejes

Donde me acaricie nadie.

***

[PUERTO CON PUERTO]

Si un puerto es en realidad una puerta

¿Qué es la mar?

La mar

con las casas en las orillas

una quintana. La mar sola

nada más

un jardín de entrada

entre mi casa y la tuya.

—Y tú el vecino

puerto con puerto

para el que apartar la nata.

Y yo el vecino

puerto con puerto

al que traerle la sal.